တစ်နှစ်သုံးလေး

ကျနော်တို့ အတန်းထဲမှာ ကျနော်နဲ့ နည်းနည်းခင်တဲ့ စလုံးတရုတ်မ တစ်ယောက်ရှိပါတယ်။ ဒီနေ့ ပရောဂျက် လုပ်နေတုန်း သူကကျနော့်ကို လာမေးပါတယ်။
"In how many languages can you count 1 to 5" (၁ က နေ ၅ အထိကို ဘာသာစကား ဘယ်နှစ်မျိုးနဲ့ ရေနိုင်ပါသလဲ)တဲ့။
ကျနော်လဲ ခနတွေးပီး ပြန်ပြောလိုက်ပါတယ် "4" လို့။
"Not bad" တဲ့ ...အောင်မယ် သူက။
ပြီးတော့ ဘာတွေလဲ လို့မေးပါသေးတယ်။ ကျနော်က မြန်မာစာ၊ အင်္ဂလိပ်စာ၊ တရုတ် (တရုတ်စကား မပြောတက်ပေမယ့် ၁ ကနေ ၁၀ အထိတော့ ကျက်ထားဖူးပါတယ်။) နောက်ပီး ဂျပန် ရယ်လို့ပေါ့။ ဒီတော့သူကဆက်ပြောပါတယ်..
"I can count in six languages" တဲ့။ ကျနော့်ကို သူမေးတာ ကျနော်ဘယ်လောက်ပြောတက်လဲ သိချင်လို့မဟုတ်ဘဲ သူဘယ်လောက် ပြောတက်ကြောင်းကို ကြွားချင်လို့ စကားအစရှာတာပါ။ သူက တရုတ်၊ အင်္ဂလိပ်၊ မလေး၊ ဗီယက်နမ်၊ ဖီလစ်ပိုင် နဲ့ မြန်မာ လိုရေတက်ကြောင်း၊ ၁ ကနေ ၁၀ အထိမကျက်နိုင်ပေမယ့် ၁ ကနေ ၅ အထိတော့ တက်နိုင်သမျှလိုက်မေးပီးကျက်ထားကြောင်းများကို ကျနော်မေးစရာမလိုဘဲ ထပ်မံရှင်းပြတော်မူပါတယ်။ နောက်ပီး မြန်မာလို ၁၊ ၂၊ ၃၊ ၄၊ ၅ ရွတ်ပြသွားပါတယ်။ သုံး နဲ့ ငါးကိုသူအသံထွက်တာ မှားနေလို့ ကျနော်ကဘဲ ပြင်ပေးလိုက်ရပါသေးတယ်။ သူပြောမှဘဲ ကျနော့် ဘလော့(ဂ်) မှာ ၁၊၂၊၃၊၄ မရေးရသေးတာကို သတိထားမိပါတယ်။ အခုရေးပါပီ။ .....

၁။ 　一　　イチ ichi
၂။　 二　　二 ni
၃။　 三　　サン san
၎။　 四　　シ / よん shi/yon
၅။ 　五　　ゴ go
၆။ 　六　　ロク roku
၇။　 七　　シチ　/ ナナ　 shichi/nana
၈။　八　　ハチ hachi
၉။　 九　　キュウ　/ ク kyuu/ ku
၁၀။ 十　　ジュウ juu

နံပါတ် လေးရယ်၊ ခုနှစ်ရယ်၊ ကိုးရယ်မှာ အသံထွက် ၂မျိုးစီရှိပါတယ်။ ၂ မျိုးလုံးကိုသုံးတဲ့ အတွက်၂မျိုးလုံးကျက်ထားပါလို့တိုက်တွန်းပါရစေ။ တရုတ်စာ သင်ဖူးတဲ့သူတွေ အတွက်ကတော့ ၁၊၂၊၃၊၄ုအရေးကျင့်စရာမလိုပါဘူး။ တရုတ်စာ ၁၊၂၊၃၊၄ နဲ့ ရေးပုံချင်းတူတူပါဘဲ။ ဒီ ၁၊၂၊၃၊၄ မှ မဟုတ်ပါဘူး။ kanji ဆိုတာ တရုတ်က ကူးထားတာဆိုတော့ kanji စာလုံးပေါင်းတော်တော်များများက အဓိပါယ်တူပါတယ်။

မေးခွန်းလေးတွေမေးရအောင်

အများအားဖြင့် မေးခွန်းမေးမယ် ဆိုရင် ၀ါကျရဲ့နောက်မှာ か (ကာ) ဆိုတာ ထည့်လိုက်ရင်ဖြစ်ပါတယ်။ မြန်မာစာစကားလုံး "လား" ဆိုတာနဲ့တူပါလိမ့်မယ်။ ကဲ အောက်က စာကြောင်းလေးကို ကြည့်ရအောင်..

あなたは 日本人 です か？
anata wa nihonjin desu ka?
あなた (anata)- ခင်ဗျား၊ မင်း၊ နင် (နားလည်လွယ်အောင် "နင်" လို့ပြန်လိုက်ပေမယ့် anata ဆိုတာ ဂျပန်မှာ ရိုင်းတဲ့စကားမဟုတ်ပါဘူး။
は (wa)- က၊ သည် (ပြုလုပ်သူ ဖြစ်ကြောင်းကို ပြတဲ့ စကားလုံးဖြစ်ပါတယ်၊ မြန်မာသဒဒါမှာ ဘယ်လိုခေါ်လဲမှတ်မိတော့ဘူး ဟီး....) hiragana အတိုင်းထွက်ရင် "ha", "ဟာ" လို့ထွက်ရမှာဖြစ်ပေမယ့် ဒီနေရာမှာ "၀ါ" လို့ထွက်ပါတယ်။
日本 (nihon) - ဂျပန်
人 (jin) -လူမျိုး၊ လူ
です (desu) - ဖြစ်သည်။ (ဒီစကားလုံးကို ဂျပန်ဝါကျတော်တော်များများမှာတွေ့ရမှာပါ။) romaji အတိုင်းဖတ်ရင် ဒဲစု လို့ဖတ်ရမှာဖြစ်ပေမယ့် ဒီနေရာမှာ English စကားလုံး "does" နဲ့ အသံထွက်တော်တော်လေးတူပါတယ်။
か (ka) - လား။

ဒီတော့ တိုက်ရိုက်ပြန်ရင် "ခင်ဗျားက ဂျပန်လူမျိုးဖြစ်ပါသလား" လို့ရပါတယ်။
"သင်သည် ဂျပန်လူမျိုးဖြစ်သည်" လို့ရေးချင်ရင် -
あなたは 日本人 です (anata wa nihon jin desu) ဖြစ်ပါတယ်။

နောက် ဥပမာလေးတွေထပ်ကြည့်ရအောင်၊

မေးခွန်း။ ။おいしい です か (oishii desu ka) အရသာရှိပါသလား ဖြစ်ပါတယ်။
おいしい (oishii ) ဆိုတာ အရသာရှိ တာကိုပြောတာပါ။ "အရသာရှိလိုက်တာ" လို့ပြောချင်ရင် oishii ဆိုပြီးပြောလို့ရပါတယ်။

အဖြေ။ ။おいしい です (oishii desu) အရသာရှိသည်။ြ

မေးခွန်း။ ။おもしろい です か (omoshiroi desu ka) စိတ်ဝင်စားဘို့ကောင်းပါသလား။
အိုမိုရှီရိုအိ = စိတ်ဝင်စားသည်။

အဖြေ။ ။おもしろい です(omoshiroi desu) စိတ်ဝင်စားဘို့ကောင်းပါသည်။











အသုံးများသော မေးခွန်းစာလုံးများ
------------------------------

どこ (doko) - ဘယ်မှာ၊ ဘယ်နေရာမှာ။ (ဒိုးကို လို့ထွက်ပါတယ်)
...............は どこ です か (..............wa doko desu ka) = .............က ဘယ်နေရာမှာလဲ။
အဲဒီ့ကွက်လပ်လေးမှာ ကိုသိချင်တဲ့ နေရာ နံမယ်ကိုထည့်လိုက်ရုံပါဘဲ။
ဥပမာ။ ။えきは どこ です か (eki wa doko desu ka) = ဘူတာရုံက ဘယ်နားမှာလဲ။

だれ (dare) - ဘယ်သူ။ (ဒါရဲ နဲ့ ဒါလဲ ကြားကအသံပါ)
だれ です か (dare desu ka) = ဘယ်သူလဲ။
.........は だれ です か (.........wa dare desu ka) = ........က ဘယ်သူလဲ။
ဥပမာ။ ။かれは だれ です か (kare wa dare desu ka) သူကဘယ်သူလဲ။

いつ (itsu) - ဘယ်တော့၊ ဘယ်တုန်းက။ (အီဆု)
いつ です か (itsu desu ka) ဘယ်တော့လဲ။
ဥပမာ။ ။いつ いきます か (itsu ikimasu ka) = ဘယ်တော့သွားမှာလဲ။

どうして (doushite) - ဘာလို့၊ ဘာကြောင့်။ (ဒိုးရှီတဲ)
どうして です か (doushite desu ka) ဘာလို့လဲ၊ ဘာကြောင့်လဲ။

なに (nani) -ဘာလဲ (နာ့နီ)
なん (nan) - ဘာ၊ ဘယ် (နန်း)
なん です か (nan desu ka) - ဘာလဲ။
なんじ です か (nan ji desu ka) - ဘယ်အချိန်လဲ။ (じ ji ဆိုတာက နာရီကိုပြောတာပါ)

မေးပါများ စကားရ ဆိုတဲ့ အတိုင်း မေးခွန်းတွေ အများကြီး မေးနိုင်ပါစေ။

Romaji or Romanization of Japanese

romaji ဆိုတာက ဂျပန် အသံထွက်ကို English alphabets စာလုံးတွေနဲ့ပေါင်းထားတာပါ။ ဂျပန်စာကို စိတ်ဝင်စားတယ်၊ ဂျပန်ကိုလည်လည်သွားဘို့ အစီအစဉ်ရှိတယ်၊ ပြီးတော့ ဂျပန် စာလုံး ဘူးသီြးေ့က်ာတွေသင်ရမှာပျင်းတယ် ဆိုရင် အနည်းဆုံးတော့ romaji လေးကိုတော့နည်းမှန်လမ်းမှန်နဲ့ စာလုံးပေါင်းတက်၊ အသံထွက်တက်အောင်သင်ထားပါ လို့တိုက်တွန်းပါရစေ။
ဘာသာစကားတော်တော်များများမှာ အသံထွက်ကို English လိုရေးချင်ရင် မူကွဲတော်တော်များများ ရှိပါတယ်။ ဥပမာ ကျနော်တို့မြန်မာ နံမည် "ဆန်း" ဆိုတာကို English လိုပေါင်းမယ်ဆိုရင် "san", "sen", "sang", "seng". ဆိုပီးပေါင်းလို့ရပါတယ်။ ဘယ်ဟာကမှ အမှန်ဆိုပီးပြောလို့မရပါဘူး။ အားလုံးသုံးလို့ရပါတယ်။ ဒါပေမယ့် ဂျပန်တွေက သူတို့ဘာသာစကားကို English နဲ့ဘယ်လိုပေါင်းရမယ်ဆိုပြီး romaji ကိုတီထွင်ထားပါတယ်။
(romaji မှာမူကွဲတွေရှိပါသေးတယ်။ ဒါပေမယ့် စိတ်ဓာတ်ကျသွားမှာစိုးလို့ အခုမပြောသေးဘူး။)
နောက်တစ်ခုရှိတာက ဂျပန်စာကို ကွန်ပြူတာနဲ့ရိုက်ရပုံက ကျနော်တို့မြန်မာစာ၊ English စာတွေကိုရိုက်ရပုံမျိုးနဲ့မတူပါဘူး။ မြန်မာစာတို့ English စာတို့က ဘယ်ကီးကို (ဘာနဲ့တွဲနှိပ်ရင်)...(ဘာဘာကြီးထွက်မလာပါဘူး ဟီး...:P) ဘာထွက်လာတယ်ဆိုပြီးအတိအကျရှိပါတယ်။ သူတို့မှာကလည်း အဲဒါမျိုးအတိအကျ လုပ်မယ်ဆိုရင် ပုံစံပေါင်း ၂၀၀၀ ကျော်ရှိတဲ့ သူတို့ရဲ့ ဘူးသီးငါးပေါင်းကြော်တွေကို ရိုက်ဘို့အတွက် အခုလက်ရှိကီးဘုတ်တွေနဲ့မလောက်ပါဘူး။ ကီးဘုတ်အကြီးကြီး ကီးတွေအများကြီး ထွင်ဘို့လိုပါလိမ့်မယ်။
ဒီတော့သူတို့ စနစ်တစ်ခုထွင်လိုက်ပါတယ်။ သူတို့ရဲ့အသံထွက်ကိုအခြေခံပီး၊ တနည်းအားဖြင့် romaji ကိုအခြေခံပီး ထွင်လိုက်တာပါ။

ဥပမာ။ ကျနော်က မော်တာကားဆိုတာကို ဂျပန်လိုရိုက်ချင်တယ်ဆိုပါတော့၊ ပထမဆုံးအရေးကြီးတာက အသံထွက်ကိုသိဘို့၊ နောက် romaji နဲ့အဲဒီအသံထွက်ကိုဘယ်လိုပေါင်းလဲသိဘို့လိုပါတယ်။ ဟုတ်ပြီ မော်တော်ကားကို ဂျပန်လို ခုရုမာ လို့ထွက်တယ်။ romaji နဲ့ဆို kuruma လို့ပေါင်းတယ်။
ကဲ ကျနော်ဂျပန် font ပြောင်းပြီးနှိပ်လိုက်ပီ ကေ ယူ အာ(ရ်) ယူ အမ်း(မ်) အေ။
ုရိုက်ပီးပီးခြင်း くるま　ဆိုပီးထွက်လာတယ်။ အဲဒါက hiragana နဲ့ပေါ်လာတာ။ ဒီတော့ကိုယ်ကထပ်စဉ်းစားရမယ်။ ငါအခုရေးနေတာ formal ရေးနေတာလား။ ငါအခုရေးနေတာဘယ်သူ့အတွက်လဲ၊ ကလေးလေးတွေ၊ beginner တွေအတွက်လား။ ဒါမှမဟုတ် ဆရာကြီးတွေအတွက်လား။
ကဲ standard နဲ့ အညီ kanji နဲ့ရေးရမယ်ဆိုရင်တော့အဲဒါကို ပြောင်းဘို့လိုပါလိမ့်မယ်။ ဒီတော့ဘာလုပ်။ space bar တစ်ချက်ထပ်နှိပ်ပါတယ်ခင်ဗျာ။ ဟောပေါ်လာပီ 車　။ အခု ကျနော်တို့ ရေးနေတဲ့ မော်တော်ကား အတွက်ကတော့ အဆင်ပြေသွားပါပီ။ 車 ဒီစာလုံးက မော်တော်ကားအတွက် ခန်းဂျီးပါ။ ဒါပေမယ့် တစ်ချို့တစ်လေ အသံထွက်တွေမှာ ခန်းဂျီး စာလုံးပေါင်းတစ်လုံး ထက်မက ရှိနိုင်ပါတယ်။ ဒီလိုဆိုရင် space bar တစ်ချက်ထပ်နှိပ်လိုက်ပါ။












အဲလိုနှိပ်လိုက်ရင် သူက အပေါ်မှာပြထားတဲ့ အတိုင်း တခြားဖြစ်နိုင်ခြေရှိတဲ့ စကားလုံးတွေကို ပြပါလိမ့်မယ်။ ကိုယ်လိုချင်တဲ့ စာလုံးရောက်တဲ့အထိ space bar တစ်ချက်ခြင်းနှိပ်ပီး ရွေးရုံပါဘဲ။ ကိုယ်လိုချင်တာရလို့ကျေနပ်သွားပီဆိုရင် enter key တစ်ချက် ခေါက်လိုက်ပါ။ ဒါပါဘဲ။

ကျနော့်လို ခန်းဂျီးလဲ မတက်၊ ဂျပန်သီချင်းတွေကိုလည်းနောက်က လိုက်အော်ကြည့်ချင်တယ်ဆို Internet ကromaji နဲ့ရေးထားတဲ့သီချင်းစာသားတွေ ဖက်နိုင်ဘို့ သင်ထားသင့်ပါတယ်။
နောက်ပီး ဂျပန်မှာ လမ်းညွှန်ဆိုင်းဘုတ်တွေကို နိုင်ငံခြားသား tourist တွေဖတ်နိုင်ဘို့ romaji နဲ့ရေးပေးထားပါတယ်။ တက်ထားမယ် ဆိုအသုံးဝင်မှာပါ။

နောက်ပီး ကျနော် romaji တွေကို အသံဘယ်လို ထွက်ရမှန်းမသိခင်က youtube ကသီချင်းတစ်ပုဒ်နားထောင်ဘူးပါတယ်။
mirai by kiroro ပါ။ အဲဒီ့တုန်းက ကျနော် အသံထွက်မိတာက မိရိုင်း ပါ။ ကီရိုရို ဆိုလိုက်တာက မိရာအိ။ ("ရာ "ဟုရေးလိုက်သော်လည်း "ရာ" သံကြီး ချည်းမဟုတ်ပါ။ "ရာ" နှင့် "လာ" ကြားတွင်ရှိသော အသံဖြစ်ပါသည်။)
အနာဂါတ် လို့အဓိပါယ်ရပါတယ်။

စိတ်ကူးယဉ်တာ ပျော်စရာ

ဆာမူရိုင်း X တစ်ယောက် အိပ်ငိုက်နေသည်။
ညက ဂိမ်းထိုင်ဆော့နေသောကြောင့် ၃ နာရီလောက်မှ အိပ်ရာဝင်မိသည်။ မနက်ကြတော့လည်း အတန်းက ၈ နာရီမှာစနေပီ။ ကျောင်းက နေ့ခင်း ၁နာရီလောက် ပြန်လွှတ်လိုက်í တော်သေးသည်။ ကွန်ပြူတာရှေ့တွင်ထိုင်ရင်း တယောက်တည်းအတွေးတွေဝေနေမိ၏်။
---------------------------------------------------------------------

















ဆာမူရိုင်းXတစ်ယောက် စလုံးရှိ ဒူးရင်းသီး အဆောက်အအုံ ကြီးနှင့် မနီးမဝေးတွင်လမ်းလျှောက်နေမိသည်။ ထိုစဉ် ဆာမူရိုင်းတစ်ယောက်ပီပီ ဆာမူရိုင်း X ၏ သိန်းစွန်ရဲမျက်လုံး အစုံတို့က တစုံတရာကိုလှမ်းမြင်လိုက်၏။ ပိုက်ဆံအိပ်၊ ဟုတ်ပါသည်၊ တစ်စုံတစ်ယောက်ထံမှ ပိုက်ဆံအိပ် ပြုတ်ကျလာသည်ကိုအသေအချာ တွေ့လိုက်သည်။ ကြည့်လိုက်တော့ လှတပတ ကောင်မလေး တစ်ယောက်။
နိုင်ငံကြီးသား ပီသသော ဆာမူရိုင်းသည် အဆိုပါ ပိုက်ဆံအိပ်လေးကို ကောက်í ပိုင်ရှင်ကောင်မလေးထံ ကိုယ်ဖော့သိုင်းသုံးပြီး အသော့နှင်လိုက်သည်။
samurai : "excuse me. I saw you dropped this. This is yours, right?"
(ဟိုလေ...ဒီပိုက်ဆံအိပ်လေးက မင်းဟာ မို့လား)
ကောင်မလေး ဖော်ရွေသောမျက်နှာလှလှလေး ပေါ်ဝယ် ကျေဇူးတင်ကြောင်း ကိုဖော်ပြထားသော အပြုံးပန်းချိုချို လေး ဖူးပွင့်လာသည်။ ထိုအပြုံးပန်းကလေးနှင့်အတူ.....
girl: hai. sank you.
ဂျပန်ကာတွန်းကာများနေ့စဉ်မညီးမငွေ့ထိုင်ကြည့်နေတက်သော ဆာမူရိုင်း ၏ နားရွက် အစုံတို့က တစုံတရာကိုသတိထားလိုက်မိ၏။ "ဆန့် ယူ" ဟုတ်သည် ဆန့်ယူ ။ thank you ကိုဂျပန်သံနှင့်ထွက်ခြင်းဖြစ်သည်။ သူတို့၏ဘာသာစကားတွင် th သံမရှိ။ ထို့ကြောင့် သန့်(ခ်)ယူ အစား ဆန့်(ခ်) ယူ ဟုပြောတက်ကြသည်။ ဂျပန်စကားကို သုံးလကြီးများတောင် သင်ထားသော ဆာမူရိုင်းသည် သူ၏ ဂျပန်စကားကို စမ်းသပ်ရန် အခွင့်အရေးတွေ့သွားသည်။ ထို့ကြောင့်.......

samurai : ano.....nihon jin desu ka. (အာနို....နီဟွန်း ဂျင် ဒဲစု ကာ၊ ဟိုလေ ဂျပန်လူမျိုးလားမသိဘူး ?)

girl : hai, sou desu. nihon go ga hanasemasu ka. (ဟုတ်ပါတယ်။ ဂျပန်စကား ပြောတက်လားဟင်။)

samurai : hai, sukoshi hanasemasu. (ဟုတ် နည်းနည်းပါးပါး ပြောတက်ပါတယ်။)
namae wa nan desu ka (နံမည်လေးများ သိခွင့်ရှိမလား ခင်ဗျာ။)

girl: higurashi kagome desu. (ဟီဂူရာရှီ ကာဂိုမဲ ပါ။) anata wa (အကို့ နံမည်ကကော)

samurai : namae wa samurai desu. (နံမည်ကတော့ ဆာမူရိုင်းပါဘဲ)
နှစ်ယောက်သား ဘာဆက်ပြောရမှန်းမသိဘဲ ခတ်တ ရပ်တန့်သွား၏။ အတန်ကြာမှ..
samurai: atsui desu ne (ရာသီဥတုက တော်တော်လေးပူတယ်နော်)

girl: honto desu ne (တကယ်ပါဘဲ တော်တော်လေးပူပါတယ်)
ထို့နောက် ကောင်မလေး က ထပ်မံရပ်တန့်သွားသော conversation လေးကိုပြန်စရန် ကြံလိုက်သည်။
girl : #$!#$$%@@@$%@^$@$
{ကောင်မလေး ဂျပန်လိုတစ်ခုခု ပြောလိုက်သည်။}
samurai: Mo ichido itte kudasai (နောက်တစ်ခေါက်လောက် ထပ်ပြောပြပါလား ခင်ဗျာ။)
girl: #$!#$$%@@@$%@^$@$
samurai: ano.....Yukkuri itte kudasai (ဟိုလေ...ကျေးဇူးပြုပြီး ဖြည်းဖြည်းလေးထပ်ပြောပြပါလား)
girl: #..$..!..#..$..$..%..@..@..@..$..%..@..^..$..@..$...
samurai: ano..................etto..........(ဟိုလေ.............ဟိုဒင်းလေ............)

--------------------------------------------------------
ဆာမူရိုင်း X နိုးလာပီး ပထမဆုံး စလုပ်သော အလုပ်မှာ ဂျပန်စာ စာအုပ်ကိုကောက်ကိုင်လိုက်ခြင်းပင်ဖြစ်ပါတော့သည်။

အချိန်တန်လို့ အိမ်ပြန်တဲ့ အခါ

ဂျပန်ဘာသာ စကားထဲမှာ လူသိအများဆုံး စကားလုံးကိုပြောပါဆိုရင် ဆာယိုနားရား (さよなら , sayonara) ဖြစ်ပါလိမ့်မယ်။ ဒါပေမယ့် အဲဒီ့စကားလုံးဟာ ဂျပန်တွေအတွက်တော့ နေ့စဉ်သုံးစကား မဟုတ်ပါဘူး။ အတန်းပီးလို့ဖြစ်ဖြစ်၊ အလုပ်ပီးလို့ဖြစ်ဖြစ် အိမ်ပြန်တော့မယ်ဆိုရင် ကိုယ့်ရဲ့လုပ်ဖော်ကိုင်ဖက်၊ သူငယ်ချင်းတွေကိုနှုတ်ဆက်တဲ့ အခါ ဆာယိုနားရား ကိုမသုံးပါဘူး။ ဘာလို့လဲဆိုတော့ အဲဒါက အကြာကြီးခွဲရတော့မယ်ဆိုမှသုံးကြလို့ပါဘဲ။ မနက်ဖြန်၊ သဘက်ခါ၊ တစ်ပါတ်၊ နှစ်ပါတ် အတွင်း ပြန်တွေ့ရမယ့်လူတွေကို ဆာယိုနားရား မသုံးပါဘူး။ ကဲ....ဒါဖြင့် အဲဒီလူတွေကို ခွဲတဲ့ အခါဘယ်လိုများနှုတ်ဆက်ကြမတုံး။

၁။ またね - matane။ မတိန် လို့အသံထွက်လိုက်ကြပါနဲ့ဗျာ။ အဲဒါ romaji နဲ့ရေးထားတာပါ။ romaji အကြောင်းကို နောက်မှထပ်ရေးပါအုံးမယ်။ အသံထွက်ကို မြန်မာလို နီးနီးစပ်စပ် ရေးရရင် "မာတာ့နယ်"လို့ဖြစ်ပါလိမ့်မယ်။ အဓိပါယ်က "နောက်မှထပ်တွေ့ကြမယ်နော်" ဖြစ်ပါတယ်။
ပြီးတော့　
၂။ またあしたね - mata ashita ne မာတာ့အရှီတနယ် ပါ။ ashita အာရှီတ ဆိုတာ မနက်ဖြန်ကိုပြောတာပါ။ mata ashit ne ဆိုတော့ မနက်ဖြန်မှထပ်တွြေ့ကမယ်လို့ အဓိပါယ်ရပါတယ်။ နောက်တစ်ခုက　
၃။ じゃあね - jaa ne - ဂျာ့နယ် (အဟီး မြန်မာတွေ အတွက်မို့ မြန်မာလိုပဲရေးမယ့်ကြံထားပေမယ့်၊ အသံထွက်တွေကို ဘာသာပြန်ရတာ လက်ကခက်တွန့်တွန့်ရယ်။ ဂျာ့နယ် ဆိုတော့ ဂျာနယ် လိုလို ဘာလိုလိုကြီးရယ်။ ) အဓိပါယ် --"ကဲဒီလိုဆို (နောက်မှတွေ့မယ်)"။

အပေါ်က သုံးခုကိုပေါင်းပီးတော့ jaa mata ashita ne လို့ပြောလို့ရပါသေးတယ်ခင်ဗျ။ အဓိပါယ်ကို ခန့်မှန်းလို့ရမှာပါ၊ "ကဲဒီလိုဆို နောက်နေ့မှတွေ့မယ်လေ" ဖြစ်ပါတယ်။
အဲဒါတွေထဲက တစ်ခုကို ကျက်ထားရင်အဆင်ပြေမှာပါ။ ဒါပေမယ့် သူများတွေကိုယ့်ကိုပြောတဲ့အခါနားလည်ချင်ရင်တော့ အားလုံးကိုမှတ်ထားဘို့တိုက်တွန်းပါရစေ။

နှုတ်ခွန်းဆက်သခြင်း

မနက်ခင်း...............နေ့လယ်...............ညနေခင်း.............. ည

おはようございます.... こんにちは ....こんばんは ...おやすみなさい

ohayou gosaimasu ....konnichiwa .....konbanwa ......oyasumi nasai

အိုဟယိုး ဂိုစိုင်းမားစု ...ကွန်နီချီဝါ ......ကွန်ဘန်ဝါ .....အိုယာစုမိ နာစိုင်

မင်္ဂလာမနက်ခင်းပါ ...မင်္ဂလာနေ့ခင်းပါ ..မင်္ဂလာညနေခင်းပါ။ ....မင်္ဂလာညပါ။

ဒီမှာ သတိပြု စရာလေးတွေ နည်းနည်းပြောချင်ပါတယ်။ ဂျပန်စကား ဟာ တစ်ခြားဘာသာစကားတွေနဲ့ မတူဘဲ politeness level ယဉ်ကျေးမှု အဆင့် အလိုက် ပြောဆို ပုံခြားနားချက်တော်တော်များပါတယ်။ မင်္ဂလာ နံနက်ခင်းနဲ့ မင်္ဂလာည ၊ ohayou gosaimasu, oyasumi nasai တို့ကို ကိုယ်နဲ့တော်တော်လေးရင်းနှီးတဲ့လူတွေ၊ သိပ်ပီးတော့ formal ပြောစရာမလိုတဲ့သူတွေနဲ့ဆိုရင် အိုဟယိုး၊ အိုယာစုမိ ဆိုပီးတော့ နောက်ကစကားလုံးတွေကို ဖြုတ်ပီးပြောနိုင်ပါတယ်။
နောက်တစ်ခုက အိုယာစုမိနာစိုင် (မင်္ဂလာညပါ) ဆိုတဲ့ စကားလုံးဟာ အင်္ဂလိပ်ဘာသာစကား good night နဲ့သုံးပုံခြင်းတူပါတယ်။ စတွေ့လို့ နှုတ်ဆက်တဲ့ အချိန်ဟာ ည၉နာရီ၊ ၁၀နာရီ ဘယ်လောက်ပဲ ညနက်ပစေ ကွန်ဘန်ဝါ(ကောင်းသော ညနေခင်း)လို့ပဲနှုတ်ဆက်ရပါတယ်။ ပြောဆို နှုတ်ဆက်ပီး ပြန်တော့မယ်ဆိုတဲ့ အခါမှဘဲ အိုယာစုမိလို့ပြောပါ။ အိုယာစုမိ ကို good night ကောင်းသောညပါ လို့သုံးကြ၊ ဘာသာပြန်ကြပေမဲ့ သူရဲ့ မူရင်းအဓိပါယ် က "အနားယူပါ" လို့ဖြစ်တယ်။ ညဘက် ဖုန်းပြောပီးလို့ နှုတ်ဆက်တဲ့ အခါမှာလည်း အိုယာစုမိကိုသုံးနိုင်ပါတယ်။ "အိပ်စက်အနားယူပါတော့"။ သူများက ကိုယ့်ကိုအထက်ဖော်ပြပါစကားလုံးများသုံးပြီးနှုတ်ဆက်တဲ့ အခါမှာ ကိုယ်ကလည်း ထိုစကားလုံးများအတိုင်းပြန်ပြောနိုင်ပါတယ်။ ဆိုလိုတာက ကိုယ့်ကို ကွန်နီချီဝါ လို့နှုတ်ဆက်ရင် ကိုယ်ကလည်း ကွန်နီချီဝါ လို့ပြန်ပြောနိုင်ပါတယ်။

မှတ်စုထားရချင်း အကြောင်းရင်း

ကျနော် ဂျပန်စာကို စိတ်ဝင်စားလို့ စတင်လေ့လာနေပါတယ်။ လွန်ခဲ့တဲ့ မေလတစ်ရက်နေ့လောက် ကစသင်ဖြစ်တာပါ။ ၃ လကျော်ပါပီ။
ကျနော် ဂျပန်စာ ကိုသင်တာ အပျော်သက်သက်လို့ ပြောလို့ရပါတယ်။ ဘာလို့လဲဆိုတော့ ဂျပန်ကိုသွားရောက်လည်ပါတ်ဘို့ အစီအစဉ်လဲမရှိ၊ ကျနော်နေထိုင်တဲ့ပါတ်ဝင်းကျင်မှာလဲ ကျနော်နဲ့သိတဲ့ ဂျပန် တစ်ယောက်မှမရှိလို့ပါဘဲ။ ကျနော် ဂျပန်စာ ကိုစိတ်ဝင်စားမိတာ ကာတွန်းကားတွေကစတာပါ။ (ကျောင်းစာလုပ်ရမှာပျင်းတိုင်း ဂျပန်ကာတွန်းကား တွေထိုင်ထိုင်ကြည့်နေရာကစတာပါ ^^) နောက်ပီး ကျနော့ ရဲ့အားလပ်တဲ့ အချိန်တွေကို ဂိမ်းဆော့ရင်းသက်သက်နဲ့ မကုန်ဆုံးစေပဲ အကျိုးရှိအောင်အသုံးချမယ်လို့ စိတ်ကူးမိလို့ပါ။ ဒါပေမယ့် သင်တန်းတွေဘာတွေ တက်ဘို့ အချိန်လဲ မပေးနိုင်၊ ပိုက်ပိုက်ကလည်း မရှိတာမို့ အင်တာနက် ကပဲ ရသလောက် သင်ဖြစ်ပါတယ်။
ကျနော် ဒီဘလော့(ဂ်) လေးကိုလုပ်ရတဲ့ အကြောင်းက ကျနော်လေ့လာသင်ယူခဲ့၊ သင်ယူနေဆဲ၊ သင်ယူမယ့် စာတွေကို ဒီမှာမှတ်သားထားချင်လို့ပါ။ ကျနော်မှတ်သားထားတဲ့ စာတွေမှာ အမှားအယွင်းများပါခဲ့ရင် ကျေးဇူးပြုပြီးပြင်ပေးကြပါလို့ တောင်းဆိုချင်ပါတယ်။